|
قصيدة زجلية
يا اللي سهرات جفونــو****** ما حلا ليه قـوت
يا اللي دمعات عيونـــو******لفـــراق االخوت
ربي القاهــر كيف عطا******اقهر عبادو بالمــوت
الدوام ليك يا دايــم******خلقك بفناه منعـوت
لا صحة لا غنى دايـم****** فسايــر لــوقوت
لا تجارة فالدنيا نافعــة******لا مال مــوروث
الدنيا تعاهد و تغـدر******كـلامها كلو بهـوت
تفـرح اليوم أو غدا****** التايـق فيها مشمـوت
ما يغـرك بهاها شحـال******هدمـات من بيـوت
يا لهايم فهواها رجع ولي******قبل ما يفوت الفوت
قبل ما تهدى اجوارحك******و ما يتسمع ليك صوت
فكر فالقبر وأهوالـو******لا صراخ ينفع لا غـوت
فكر فجواب سؤالو*******على الخالـق و المبعـوث
المومن يسهال جوابـو******والعاصي جهلو ممقـوت
فكـر فنعايم الجنـة******آش من مـرجان و ياقوت
فكر فـدوام الآخـرة******الدنيا تفنــى وتفـوت
صل على مول العبرة******لسان على صلاتو ملهوت
فالمرسول ما حلى النظرة******غرامو فقلوبنا مبتوت
بقلم : ذ.
مصطفى مستحسان
|
